永定土樓
一大早又出發了，由於目的地已無新鮮感，粗眉仔更著力留意沿路景色，不經不覺就到了永定。
入口附近整了個４Ａ鴨塘，肉肉酸酸。
今天天氣太好了，景物比上一次煙雨淒迷時清楚得多，卻少了幾分詩意…
粗眉仔上次來的時候，座座土樓都上得去，但今次只有最近古廟那座才上得，封了４個Ａ，又「申遺（聯合國世界文化遺產）」成功，自然巴之閉。
幸運地有ＶＩＰ（不是粗眉仔此等雜碎）光臨，於是便有即席客家山歌表演。
這條是古橋，絕對不是現代產物，想知點解？
粗眉仔中國大陸旅遊小百科
古橋解構：
（１）磚砌或石砌，不似得而家，動不動就鋼筋水流。
（２）向水流一方成船首狀，符合物理學原則。
下次返大陸，記得多多留意啦！
玩炮仗的細路，頑皮到震。
菜乾隨處曬，食之前記得洗淨。
可能年近歲晚，遊客不多。
由於粗眉仔今次係舊地重遊，所以比上次留意更多細節。
餐廳的廁所水直接流入魚塘，正一係「呢頭痾呢頭食」，好在呢餐冇魚…
烈火雄雄，大家估估係咩東東？
開估：糯米酒，據講咁樣酒味不會外泄，會更濃郁。
