渡假勝地
從機場坐四十分鐘的士，就到了布吉最熱門的旅遊點Patong沙灘，而粗眉仔住的酒店亦在這一區。
粗眉仔布吉島旅遊小貼士
機場有勁多的士，但全都收費特貴，建議一概不理，一直走到機場外面一處有寫明Taxi Meter的的士站才打的，絕無花假，且照咪錶價只收多100泰銖，點計都有so。
酒店出去行不夠一分鐘就到沙灘，直頭可以著泳褲出入，好多鬼佬同印度人都係咁著…
下午一點的陽光份外毒辣，這時候去沙灘，粗眉仔肯定變焦炭無疑，所以決定先到四圍逛逛。
附近有勁多鋪頭，但全是酒吧或的士高之類的夜場，日光日白，自然冇人幫襯。
粗眉仔布吉島旅遊小貼士
布吉島以沙灘來劃分，分做多個不同的區，各區有其不同特色，宜按自己喜好來選擇，以粗眉仔今次揀的Patong區為例，Patong區購物逛街吃喝玩樂樣樣都在左近，但比較人多噪雜，如想追求寧靜，可考慮僻一點的Karon沙灘。
粗眉仔又熱又餓，於是求其搵間泰國「茶餐廳」醫肚。
餐廳裏只有幾隻「鬼」影，全是歐洲人，其中一檯在吃薯條漢堡包，另一檯在吃煙肉煎雙蛋。
豬朋甲不禁小聲驚呼：「嚇！晏晝一點食早餐A？」
粗眉仔冷笑道：「這就是國際食物嘛。」
「國際食物？」
「這裏寫著的…」說著粗眉仔便指指餐牌上的英文，上寫著「International Food」。
等了好久，連椰汁冰都熔成水了，仍遲遲未有得食，粗眉仔於是叫侍應來質問。
「好耐冇整過泰國菜啦！（原文：Thai Food, long time no made la！）」
粗眉仔尖聲道：「但這裏是泰國呀。」
侍應沒好氣地說：「國際食物會快些。（原文：International Food, Faster.）」
噢！這是「國際」茶餐廳，粗眉仔差點忘記了。
叫的雖然只是set lunch，但都美味非常，最正都係呢味椰汁冬蔭功，完全唔辣但香滑十足。
豬朋甲點的看起來也不錯。
四個人埋單要1300baht，如此質素算收得貴，但都比香港平。
粗眉仔布吉島旅遊小貼士
布吉島的費比曼谷高，如無特別高要求，平均一餐250泰銖左右。如果嫌貴，可考慮到大商場的Food Court食，會平好多。
街上以印巴人和歐洲遊客為主，好似粗眉仔和豬朋甲乙丙之類的亞洲面孔少之又少，緣街經常被人以日文「問候」。
粗眉仔布吉島旅遊小貼士
布吉係知名渡假區，街上有極多人兜諸如的士或旅行團之類的生意，雖然可能會比你在酒店或街鋪旅行社所打聽到的便宜，但很多都貨不對辦。比較安全的做法還是經酒店報，妥當之餘仲可能有價講。就以粗眉仔今次為例，原本1800baht的攀牙灣(Phang Nga)一日團經講價後只賣1500baht，4個人合共慳1200baht，都咪話唔「筍」！
附近有個大商場，人少少，買的東西又貴又無特色，不逛也罷。
返酒店游了一陣水，然後跟豬朋乙的布吉老友見面。
粗眉仔提出要食平靚正又地道的泰菜，布吉老友於是帶我們去大牌檔，大牌檔老闆是布吉老友的同鄉。
去大牌檔之前買了一大包紅毛丹，咁大包都不過係20baht(港幣5元)。
大牌檔老闆煮得實在太好食啦！搞到粗眉仔食到一半先至記得影相…
為大家介紹，五個人共點了一條大烤魚、兩碟泰式炒菜、兩大碗海鮮冬蔭功、兩大碟海鮮炒飯、炒蜆和烤魷魚等。
每一樣都美味得難以形容，而且真材實料，可以說是粗眉仔有生以來吃過最好的泰菜，最令粗眉仔難忘的是冬蔭功，可能因用了大量鮮蝦及Lemon Grass熬製，湯汁鮮味十足，辣而不燥，超正！四個人埋單只需1200baht。嘩！抵到你唔信！
旅程開始 |