冬日新宿
粗眉仔和豬豬已經去過東京不知多少次了，所以今趟搭十時多的飛機，不用「倒塔咁早」。
可能天氣凍，白雲看起來頗為濃稠，似一個個懸在半空的忌廉球。
來咁多次東京，還是第一次遇上晴朗的好天氣，以往次次都是陰天或是落雨。
比起城市，日本的田野更令粗眉仔這個非日本人羨慕，雖然因天氣寒冷而一片蕭瑟，但仍悅目。
人民幣狂升，人心和環境也越來越差，相反日圓貶值，粗眉仔以後會多去日本，少返大陸。
粗眉仔一向最憎乜鬼大塔，這新建的晴空塔真係好鬼核突。
去到新宿時天已黑了大半，還好酒店離JR站極近，走三分鐘便到。酒店座落JR站南口，附近店舖林立，非常方便。
日圓貶值，所有東西都比粗眉仔上趟來東京時平了一成，兩人決定大吃特吃。
行到街口，兩人見有間壽司舖，便即興入去食壽司。粗眉仔今次特登唔做功課，事前冇睇任何旅遊天書或向朋友介紹，行到邊食到邊。
由於次次來東京都係住新宿，而且早已拍了不少靚相，所以這晚出街只帶部新買的傻瓜機便算，總之輕輕鬆鬆，一切從簡。
地球人是善忘的，新宿街頭時見遊客影蹤，比去年來時熱鬧多了，311成了遙遠過去。
可能現在是冬天，粗眉仔到這時候才發現，新宿有不少賣爬山用品的鋪頭，不但貨品齊全，部份甚至比香港見到的還要平，兩人各睇中一對爬山鞋，打算臨返香港那天買。
其後兩人去京王的超級市場逛，發現貨品比伊勢丹更多更齊。
豬豬又怎會放過這裏的士多啤梨，剛好是日大減價，七百八十日圓有兩盒，比香港國貨還要平，兩人毫不猶豫就「掃」了。
逛到又累又餓，兩人便到吉X家食宵夜，吃完這裏的，包保你會認為香港的是垃圾。
這篇遊記無資訊無特別，換句話講，是癈的，因為粗眉仔今日只是在新宿「迤」，隨便逛逛而已，這才是旅遊。
旅程開始 |