飛往山中天堂
出發前，粗眉仔例牌會上網查查目的地天氣，一查，發現未來七天，加德滿都日日落雨……
嚇！十月不是旱季嗎？怎麼……粗眉仔決定不信網上天氣預報，全心用自己和豬豬的旅遊運做賭注。誰知還未登機便已收到飛機因機件故障而延誤的通知，可謂出師未捷。
可能那機件真的故障得好嚴重，要換另一架飛機，登機閘口於是由46號改到524號，超遠，又無接駁交通工具，個個拎著行李用腳走，好像走難一樣。
5字頭閘口的候機室聚集了極多人，登機時，地勤姐姐一味叫人排單行，但又不放人入閘，結果越排越亂，非常弱智。
結果，飛機到八點九才起飛，遲哂大到，兩人去到加德滿都還要辦落地簽証呢！唉……
可能遲到吧，飛機飛快了一點點，四個小時十五分鐘便到了加德滿都，但仍比原定遲到差不多一個小時。特別一提，尼泊爾比香港慢兩個小時十五分（GMT+5:45）頗難計算時間，每次空姐宣佈時間都講到一舊舊。
不出所料，要搞落地簽証的排了一條好大長龍。
排到一半，才發現要先排另一條龍畀簽証費，粗眉仔大驚，立即同豬豬兵分兩路，一個仍排過關，一個跑去交簽証費，非常混亂。
一個多小時後，兩人才終於過關，行李早已落地，它等好久了。
機場出囗處有一個的士櫃位，到酒店只需九元，比旅行社開價還要低，而且明碼實價，感覺上比耶加達安全得多。
酒店是一座舊式建築，雖小但頗為舒適，由於實在太夜，一入房放低行李，兩人便跳上床呼呼大睡。
可能空氣好，兩人睡得飽，很早便起床了，憑窗一看，見天空灰濛濛一片，多雲但沒雨，原來因為印度有颱風，雨雲來了尼泊爾。
早餐在一個小花園，這酒店果然沒改錯名。
酒店的早餐不錯，份量亦多，但太多薯仔，食到粗眉仔成肚胃氣。
等到差不多九點，旅行社才終於派人來，旅程開始了。
旅程開始 |