附錄：曼谷更好魚
Siam Paragon地庫的大型超市一向都係粗眉仔買手信的地方，星期日傍晚多人到極，好似唔駛錢咁……
粗眉仔發現，泰國的中產階級越來越多，收入也漸漸追上來，超級市場內也有不少本地人。
為了討好中國遊客，超級市場請了一隊靚仔來跳舞，慶祝十一。
靚仔着唐裝，跳的卻是韓式Hip Hop，不倫不類。
因為下晝食得太飽，所以兩人好遲才出去食晚飯，餐廳離地鐵和BTS站比較遠，建議坐的士直接去。
餐廳營業至深夜一點半，是食宵夜的好地方，雖然已經是晚上十點，餐廳內仍然非常熱鬧，幾乎座無虛席。
本來粗眉仔想食炒南瓜葉，可惜售罄，只能夠食炒通菜，不過味道也很好，好夠鑊氣。
蝦肉冬陰口感濃稠，蝦味極度香濃，層次豐富，好飲到爆炸，而且不算太辣，至今仍然令粗眉仔懷念。
煎蠔餅也是一絕，隻隻蠔仔都鮮甜爆汁，而且又是用鐵板上，香口到極。
不過，今餐的精選仍然是「那條魚」，今次是海鹽烤魚，魚肉非常非常的鮮嫩，不蘸任何醬汁，配上少許海鹽花更惹味。
細心一睇，包著魚的那層海鹽非常厚實，難怪如此入味，好食到嗌救命。
頌通海鮮酒家 Sornthong Pochana
地址：2829-31 Rama 4 Rd., Khlong Toei, BKK
電話： +66 2 258 0118
網站：www.sornthong.com
這間餐廳的菜式雖然見慣見熟毫不花巧，但實而不華，味味都出乎意料咁好食，可惜有很多韓國人幫襯，環境比較嘈吵。
返酒店時，有一段小插曲。
話說接載兩人之的士司機，知道兩人係從香港來，很是高興，立即說：「Hong Kong good, China no good, Hong Kong is not China! Ha ha ha...」
連的士司機都知「香港係香港」，香港人呢？
