御台場
食完早餐後，就搭JR山手線到新橋，再轉乘Yurikamome單軌火車，穿過彩虹橋到達御台場。
御台場是一個人工島，島如其名，平平的一整片台地，上面有商場、博物館、摩天輪…
我們先在青海站落車，參觀極有歐陸風情的Palette Town。粗眉仔的其中一個豬朋竟話那兒似澳門個威尼斯人。Palette Town隔離就是Mega Web，係Toyota的展覽館。
粗眉仔的另一個狗友係車狂，自然興奮到極。入面有些模擬賽車遊戲(但有很重的宣傳成分)，而且還可以駕駛真車(超慢超安全)，免費又不用排隊，非常不錯。
這裏還有個摩天輪，不過粗眉仔無玩。
步行十分鐘就到御台場海濱公園，景色優美，氣候怡人。
男男女女，扶老攜「狗」，齊齊來海濱散步。抱著的、推著的、拖著的…都是狗仔不是人仔，我去東京五日，加起來只見過不超過十個ＢＢ或細蚊仔。香港人也普遍是少生ＢＢ多養狗，但日本人去得更盡，這是他們的民族性，與人無尤。
可能呢度係人工島的關係，有個A貨自由神像。
海濱公園後面有個超大商場Decks Tokyo，格局跟觀塘apm差不多。雖然係星期六下午，但商場人流不多，雖然行得舒服，但少了點熱鬧氣氛。
地下的food court超正，價錢大眾化，值得一試。(粗眉仔用750日圓吃了個超大碗超足料超好味鰻魚飯連味噌湯加配菜，開心死！)食完午飯，粗眉仔一行人便繼續逛商場。
商場頗有特色，四五六樓分別是三個主題：
(1)台場一丁目商店街
懷舊日本老街，鋪頭賣的全是七八十年代的擬似古物。
糖果店最有趣，充滿童年回憶，而且價錢亦係「七八十年代」(平！)，結果除粗眉仔外，所有人都買左勁多無謂野。
嚇！鬼屋？唔係 fa！
(2)Muscle Park
類似熱爆遊戲節目「筋肉擋台」(Muscle Fighting)的遊戲場所。全部遊戲都要收錢，而且唔平(200至400日圓不等)，但勝在工作人員落力，有電視節目的感覺。
(3)台場小香港
整層以香港街道做主題，連鬼影都唔多隻，且不停播放著一些聽都未聽過的廣東歌，陰森恐怖…
粗眉仔一行人累壞了，遁原路返回新宿。
明天就要返香港了，粗眉仔一行人決定要留下美好回憶，在新宿歌舞伎町大吃特吃。