燈紅酒綠

粗眉仔住的酒店交通非常方便，聞名的四面佛就在咫尺。

時近黃昏，只好逛越夜越熱鬧的Silom，Silom係曼谷乘BTS在Sala Daeng站下車，盲都見到的一條擬似女人街物體，Patpong夜市。成條街都係賣老翻手錶同衣飾，而且仲係High到名都唔識讀果種。今次剛好遇著有警察搗翻版，粗眉仔指著其中一對鞋問價，兩個擬似檔主的物體只一味耍手擰頭，甚有香港海關搗老翻果隻feel。

「Hey！Puzzy！Puzzy！」
粗眉仔個樣可能似「有需要」，行未夠半條街已被人「問候」了N次，被同行之豬朋狗友們（當中有女）「嘲笑」。

慘被騷擾一輪後，粗眉仔就到了以往逄到曼谷必去的Mango Tree晚膳。

Mango Tree係一間由英式別墅改建而成的泰式高級餐廳，本身已經係一個景點。粗眉仔建議夜晚去，且指明坐室外位，因有傳統音樂表演。

由於已幫襯過N次，所以想叫些新野，加上懶民主一人叫一樣，結果全部都係海鮮，慘！

Mango Tree推介：泰式香葉包雞、菠蘿海鮮炒飯、原隻燒烤魷魚、綠咖喱海蝦等。
Mango Tree平均消費：每人120港元。
備註：Mango Tree一定要打電話預約，否則要十點後才有位。

返酒店前，又經過Patpong夜市，又整多劑「Puzzy！Puzzy！」，令粗眉仔好不尷尬。坐的士返酒店，司機話：Patpong酒吧的女人（尤其是靚的）有部分係男人，都咪話唔得人驚…

旅程開始